Ballkani Perëndimor në qendër të diplomacisë italiane, Xhaçka ftohet nga ministri i Jashtëm i Italisë, Tajani

Politikë | 4 vite më parë

Diplomacia italiane shton vëmendjen ndaj Ballkanit Perëndimor. Ditën e nesërme, ministrja e Jashtme, Olta Xhaçka, do të marrë pjesë në takimin e ministrave të jashtëm të vendeve të Ballkanit Perëndimor, të organizuar nga zv/Kryeministri dhe ministri i Jashtëm i Italisë, Antonio Tajani.

Siç bëhet e ditur nëpërmjet një njoftimi për shtyp, në këtë takim pritet të trajtohen çështje të bashkëpunimit ndërmjet vendeve të rajonit, por edhe me BE, veçanërisht në kontekstin e zhvillimeve aktuale gjeopolitike në Evropë dhe në botë.

Ndërkohë, më 4-5 prill 2023, ministrja Xhaçka, do të marrë pjesë edhe në takimin e Këshillit të Atlantikut të Veriut, në format të ministrave të Punëve të Jashtme, takim ky i cili zhvillohet në selinë e NATO-s në Bruksel.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.