Balla takon ambasadorin bullgar Momchil Raytchevski: Forcojmë marrëdhëniet mes vendeve tona

Politikë | 4 vite më parë

Kreu i grupit Parlamentar të PS, Taulant Balla ka zhvilluar një takim me Ambasadorin e Bullgarisë në Shqipëri, Momchil Raytchevski.

Në një postim në Facebook Balla bën të ditur se forcimi i mëtejshëm i marrëdhënieve dypalëshe dhe Konferenca e Parë Ndërqeveritare mes Shqipërisë dhe Bashkimit Europian ishin temat kryesore të këtij takimi.

Po ashtu Balla shprehet se konteksti i ri gjeopolitik pas agresionit të pajustifikuar dhe të paprovokuar të Rusisë ndaj Ukrainës sjell domosdoshmërinë e një politike të menjëhershme zgjerimi me Ballkanin Perëndimor.

“Prita sot në një takim Ambasadorin e Bullgarisë në Shqipëri, Momchil Raytchevski. Forcimi i mëtejshëm i marrëdhënieve dypalëshe dhe Konferenca e Parë Ndërqeveritare mes Shqipërisë dhe Bashkimit Europian ishin temat kryesore të këtij takimi.

Konteksti i ri gjeopolitik pas agresionit të pajustifikuar dhe të paprovokuar të Rusisë ndaj Ukrainës sjell domosdoshmërinë e një politike të menjëhershme zgjerimi me Ballkanin Perëndimor”, shkruan Balla.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.