“Non grata” e Berishës për korrupsion, Kim: Ata që thonë se janë të habitur, s’po tregohen të sinqertë

Politikë | 5 vite më parë

Në Shqipëri, ambasadorja amerikane Yuri Kim komenton në një intervistë për Zërin e Amerikës, zhvillimet e fundit në Partinë Demokratike, pas vendimit të kryetarit demokrat Lulzim Basha për të lënë jashtë grupit palamentar ish-drejtuesin dhe ish-kryeministrin Sali Berisha.

Zonja Kim flet gjithashtu dhe për pritshmëritë ndaj qeverisë së re të kryeministrit Edi Rama në mandatin e tij të tretë, Reformën në Drejtësi apo dhe rolin e Prokurorisë së Posaçme kundër Krimit të organizuar dhe korrupsionit

Në një pjesë të intervistës të shpërndara nga VOA, Kim thotë se kur sekretari i shtetit përcakton dikë për korrupsion domethënës kjo është shumë e dukshme. Kim thekson se ata që thonë që janë të habitur nga ky përcaktim, nuk po tregohen të sinqertë.

“Mendoj se është e drejtë të thuhet që në shumicën e rasteve në momentin kur dikush përcaktohet nga sekretari i Shtetit për korrupsion domethënës, zakonisht është shumë e dukshme. Dha ata që thonë që janë të habitur, nuk po tregohen shumë të sinqertë”, thotë Kim.

 


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme