Emiratet e Bashkuara Arabe heqin vizat për Kosovën

Kosovë | 3 vite më parë

Emiratet e Bashkuara Arabe kanë hequr vizat për Kosovën. Lajmi është dhënë nga presidentja kosovare Vjosa Osmani në platformën X.

Marrëveshja është arritur gjatë një takimi që pati me homologun e saj arab muajin e kaluar, por është bërë e ditur të enjten.

“Falënderoj Presidentin e Emirateve të Bashkuara Arabe, Mohamed Bin Zayed për pranimin e propozimit tim për heqjen e vizave për qytetarët e Kosovës. Marrëveshja e arritur gjatë takimit tonë muajin e kaluar tashmë është nënshkruar, duke hapur rrugën për më shumë mundësi bashkëpunimi midis vendeve dhe qytetarëve tanë”, shkroi Osmani në platformën X.

/ rtsh.al /

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.