Stoltenberg nga Serbia: Autorët e sulmit në veri të Kosovës duhet të dalin para drejtësisë

Rajon | 3 vite më parë

Sekretari i Përgjithshëm i NATO-s, Jens Stoltenberg ka deklaruar nga Serbia, ku po zhvillon një vizitë zyrtare, se autorët e sulmit në veri të Kosovës duhet të dalin para drejtësisë.

Në konferencën e përbashkët për shtyp, pas takimit me Presidentin Aleksandër Vuçiq, ai i bëri thirrje Beogradit dhe Prishtinës që të vazhdojnë dialogun, sepse, siç theksoi, kjo është e vetmja rrugë drejt paqes.

“Ne diskutuam gjithashtu tensionet në veri të Kosovës dhe rëndësinë e misionit paqeruajtës të KFOR-it, i cili garanton sigurinë për dy dekada dhe do të vazhdojmë ta bëjmë këtë në mënyrë të paanshme brenda mandatit. Anëtarët e KFOR-it pësuan sulme, pamë trazirat në shtator, autorët duhet të sillen para drejtësisë”, tha Stoltenberg.

Ai shtoi se KFOR-i ka dislokuar 2000 ushtarë në veri të Kosovës, që është përforcimi më i madh.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.