Ministri kroat i mbrojtjes plagoset rëndë në një aksident rrugor

Rajon | 3 vite më parë

Ministri kroat i mbrojtjes është lënduar rëndë si pasojë e një aksidenti rrugor, ku një tjetër person ka humbur jetën.

Aksidenti ndodh rreth orës 6 të këtij mëngjesi në një rrugë në lindje të vendit. Ministri Mario Banozic, 44 vjec, ishte duke drejtuar makinën e tij kur u përplas me një furgon. Drejtuesi i furgonit ndërkohë ka humbur jetën.

“Shprehim ngushëllimet tona për të afërmit e personit që u vra”, u shpreh zëdhënësi i qeverisë Marko Milic në platformën X, ish twitter,. Ai tha se pavarësisht se Banozic kishte marrë plagë të rënda, ai nuk ndodhej në rrezik për jetën.

Ministria e mbrojtjes ndërkohë tha se kishte filluar një hetim për të përcaktuar se çfarë kishte ndodhur ekzaktësisht.

Gazetare Elda Pepa

/ rtsh.al /

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.