Përplasje me armë zjarri në Greqi/ Gjashtë të vrarë. Dyshohet se janë shqiptarë

Rajon | 3 vite më parë

Një përplasje me armë është shënuar pasditen e së hënës në Artemisa në Greqi, duke lënë të vdekur 6 persona.

Sipas mediave greke dyshohet se viktimat janë shtetas shqiptarë.

Përplasja ka ndodhur në kryqëzimin e rrugëve Arionos dhe Akropoleos dhe duket se ka pasur shkëmbim të shtënash me armë zjarri.

Njëri nga viktimat, i cili raportohet të jetë shoferi, tentoi të arratisej dhe u hodh nga automjeti. Pesë të tjerët ndodheshin brenda automjetit.

Përplasja me armë dyshohet se ka ndodhur për larje hesapesh mes bandave.

Makina në të cilën u gjetën 5 viktimat është me targa gjermane.

Policia ka nisur hetimet për identifikimin e autorëve, ndërsa në të njëjtën kohë po mbledh dëshmitë e banorëve të zonës dhe po skanon kamerat e sigurisë për të mbledhur video materiale që do ta ndihmojnë të zbardhë ngjarjen.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.