Miroslav Lajçak (o. Lajcak), përfaqësuesi i posaçëm i Bashkimit Europian për dialogun Kosovë–Serbi, pret rezultate pozitive nga takimi i dy palëve më 14 shtator.

“Përgatitjet për Dialogun e Nivelit të Lartë më 14 shtator po ecin me shpejtësi të plotë dhe po punojmë për rezultate pozitive,” njoftoi Lajçaku në Facebook.

Takimi i së enjtes do të vendosë përballë njëri-tjetrit kryeministrin e Kosovës, Albin Kurti, dhe kryeshtetarin e Serbisë, Aleksandar Vuçiq (o. Vucic).

Kurti dhe Vuçiqi janë takuar për herë të fundit më 2 maj, periudhë pas zgjedhjeve të jashtëzakonshme në veri të Kosovës, që kanë krijuar tension mes dy vendeve.

Javën e kaluar, Lajçaku takoi komandantin e KFOR-it për të shkëmbyer informacion mbi burimin potencial të problemeve Serbi, më tej zëvendëskryeministrin kosovar Besnik Bislimi në Bruksel dhe disa eurodeputetë.

/rtsh.al/