Ndryshimet kushtetuese, Escobar viziton Maqedoninë e Veriut të enjten

Rajon | 3 vite më parë

I dërguari i Shteteve të Bashkuara të Amerikës për Ballkanin Perëndimor, Gabriel Escobar, do të vizitojë të enjten Maqedoninë e Veriut. Sipas agjencisë së lajmeve MIA, Eskobar pritet të zhvillojë takime me Presidentin Stevo Pendarovski, kryeministrin Dimitar Kovaçevski, si dhe me liderin e VMRO-DPMNE-së, Hristijan Mickoski.

Vizita e Escobarit në Shkup vjen pas fillimit të procedurës parlamentare për ndryshimet kushtetuese, sipas të cilave shtetasit bullgarë duhet t’i shtohen Kushtetutës.

Këto ndryshime janë parakusht për vazhdimin e bisedimeve për anëtarësim të Maqedonisë së Veriut në BE dhe mbajtjen e konferencës së dytë ndërqeveritare.

Miratimi i nevojës për ndryshimin e Kushtetutës kërkon mbështetjen e 80 deputetëve.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.