Presidenti serb, Aleksandër Vuçiç ka deklaruar se Ballkani i Hapur është një ide autoktone e popujve të Ballkanit dhe se nuk beson që kryeministri Edi Rama mund të thotë se Ballkani i Hapur e ka përfunduar misionin.

Vuçiç u shpreh se e njeh shumë mirë Kryeministrin Rama dhe se gjithmonë do besojë se ideja e tyre për Ballkanin e Hapur do jetë më e mira, pavarësisht përmbajtjes së dëshirave të liderëve.

“Nuk jam i sigurt se është pikërisht ajo që tha ai, por shpresoj se do të mund ta shoh së shpejti. Ballkani i hapur është një ide autoktone e popujve të Ballkanit, serb, shqiptar, maqedonas, por është mbështetur edhe nga një pjesë e konsiderueshme e boshnjakëve dhe njerëzve në Mal të Zi që nuk janë serbë. Unë gjithmonë do të mendoj se ideja jonë, dhe jo e imponuar nga jashtë, do të jetë më e mirë, pavarësisht nga përmbajtja e dëshirave tona. Kjo është shprehje e dëshirave, pritjeve dhe marrëdhënieve tona, jo diçka nën kapuç”, tha Vuçiç.

Ndalur më tej te situata në veri të Kosovës dhe tensioneve me këtë të fundit, Vuçiç deklaroi se Perëndimit nuk i intereson kërcënimi i të drejtave të serbëve në Prishtinë.

“EULEX-i monitoron 109 raste të serbëve të arrestuar, 11 në periudhën e fundit kanë qenë në paraburgim. Ka njerëz që kanë qenë në paraburgim për dy vjet, pa asnjë bazë dhe pastaj thonë se është sundim i ligjit. Deklarata të tilla nga EULEX-i ju shan, po gënjeni se nuk e dini se është i pafajshëm, ai dhe të tjerët u arrestuan me urdhër të Kurtit dhe pasardhësit të tij Sveçla. Mos gënjeni se ka arsye, ushtarët e NATO-s e tërhoqën zvarrë në grup, ai nuk e ngriti dorën. Ju keni pamjet me te sakta nuk e ka prekur njeri dhe e kane rrahur për vdekje, e rrahin veçanërisht kane thënë se kështu do te ndodhe me ty se u konvertove ne ortodokse. Edhe sot ai ka lëndime të rënda”, theksoi Vuçiç teksa akuzoi Kryeministrin e Kosovës, Albin Kurtin si një njeri pa nder, veprimet e të cilit nuk mund të analizohen në mënyrë racionale.

“Ju nuk mund të shikoni në mënyrë racionale pse ata po bëjnë diçka. Ai thjesht dëshiron të jetë Zelensky i ri“, tha presidenti Vuçiç.

Presidenti serb theksoi se ka frikë nga lëvizjet irracionale dhe antiserbe të Kurtit dhe qëndrimi jashtëzakonisht i papërgjegjshëm i vendeve perëndimore, të cilat gjithmonë do të kërkojnë një histori të dy palëve dhe do të jenë gjithmonë në anën e djalit të tyre.

“Do të bëj maksimumin që kjo të mos ndodhë. Por jo me çmimin e një pogromi kundër popullit serb. Populli ynë ka nevojë për paqe, fabrika, anashkalime“, tha Vuçiç, duke iu përgjigjur pyetjes nëse mund të ndodhë një luftë në Kosovë.

/rtsh.al/