Qeveria britanike i ka drejtuar një thirrje Beogradit dhe Prishtinës zyrtare që të marrin masa urgjente për uljen e tensioneve, duke u kërkuar gjithashtu angazhim të menjëhershëm në dialogun e udhëhequr nga BE-ja dhe fillimin e punës për formimin e Bashkësisë së Komunave me shumicë serbe.

 “I bëjmë thirrje Kosovës dhe Serbisë që të tregojnë përmbajtje maksimale, të shmangin masat e njëanshme dhe të ndërmarrin veprime të menjëhershme për të ulur tensionet”, ka thënë qeveria britanike, raporton Tanjug.

Londra i bëri thirrje kryeministrit të Kosovës, Albin Kurti që të sigurojnë që kryetarët e sapozgjedhur shqiptarë të kryejnë detyrat e tyre në lokacione alternative jashtë ndërtesave komunale dhe që njësitë speciale të policisë të tërhiqen nga ato ndërtesa. Po ashtu, Londra zyrtare i ka bërë thirrje Qeverisë së Kosovës për shpalljen sa më parë të zgjedhjeve të reja dhe gjithpërfshirëse.

/rtsh.al/