Të hënën në Prishtinë nisi Forumi Ekonomik i Vjenës , Vienna Economic Talks – Prishtina 2023 njofton KosovaPress.

Kjo është hera e parë që ky forum mblidhet në kryeqytetin e Kosovës. Organizator i tij ishte kryeministri Albin Kurti.

Ai ishte folës kryesor në sesionin hyrës, ku paraqiti progresin dhe arritjet në dy vitet e fundit dhe për synimet që ka në të ardhmen.

Përgjatë tri sesioneve, përfaqësues të lartë të institucioneve vendore dhe ndërkombëtare do të diskutojnë për bashkëpunimin rajonal në fushën e investimeve përmes inovacionit teknologjik.

Në këtë ngjarje, kryeministri Kurti, në emër të Republikë së Kosovës, në 15-vjetorin e shpalljes së Pavarësisë së Kosovës dhe anëtarësimit të Kosovës në këtë forum, pranoi çmimin nga Forumi Ekonomik i Vjenës për bashkëpunim dhe kontribut të shkëlqyeshëm në zhvillimin ekonomik të nivelit nacional dhe rajonal, çmim ky që u dorëzua nga Presidenti i Forumit Ekonomik, Ambassador Victor Jackovich.

Në fjalën e tij falënderuese, kryeministri Kurti bëri thirrje edhe për më shumë bashkëpunim, ashtu që slogani i Forumit Ekonomik të Vjenës “Shkoni në jug lindje”.

( Sipas KosovaPress )