Turqia përjeton sërish ankth dhe frikë, pasi një tërmet me magnitutë 5.3 ballë goditi rajonin Bor në qytetin Nigde të Turqisë, ka bërë të ditur Agjencia për Menaxhimin e Fatkeqësive dhe Emergjencave të Turqisë.  

Sipas informacionit në faqen e internetit të AFAD-it, thuhet se tërmeti me magnitudë 5.3 ballë u regjistrua me epiqendër rajonin Bor në qytetin Niğde në orën 13:27 sipas kohës lokale. 

Tërmeti ishte në një thellësi prej 7 kilometrash. 

AFAD përmes një deklarate bëri të ditur se pas tërmeteve të fuqishme me epiqendër në provincën Kahramanmaraş u regjistruan gjithsej 9.136 pasgoditje. 
Tërmetet me magnitudë 7.7 dhe 7.6, me qendër në Kahramanmaraş, goditën 10 provinca të tjera turke. Rreth 13,5 milionë njerëz janë prekur nga lëkundjet shkatërruese. 

Ekipet e AFAD-it në zonën e tërmetit ngritën rreth 335.400 tenda që u dërguan nga ministritë dhe institucionet përkatëse, si dhe vende të tjera dhe organizata ndërkombëtare.

/ rtsh.al /