Kumbaro: Korab-Koritniku, i pari park natyror ndërkufitar mes Shqipërisë, Kosovës dhe të Maqedonisë së Veriut

Ekonomi | 4 vite më parë

Ministrja e Turizmit dhe Mjedisit, Mirela Kumbaro ka bërë të ditur se zona e Korab-Koritniku, do të jetë i pari park natyror ndërkufitar mes Shqipërisë, Kosovës dhe të Maqedonisë së Veriut.

Deklaratën e saj zonja Kumbaro e bëri nga Dibra duke folur për arritjet në sektorin e turizmit.

Ajo bëri të ditur se për këtë projekt është diskutuar edhe me homologët e Kosovës dhe të Maqedonisë së Veriut.

Në këtë park ndërkufitar do të përfshihet Korab-Koritniku, mali i Sharrit në anën e Kosovës dhe Mavrova në Maqedoninë e Veriut.

Zonja Kumbaro tha se plani i menaxhimit për këtë park do të bëhet në të tri shtetet në të njëjtën kohë, shoqëruar në vitin 2023 me një plan të promovimit dhe financimin e projekteve të veçanta duke shtuar ofertën turistike.

/ rtsh.al /

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.