44 vite në zanatin e bletërritësit, 60-vjeçari nga Bukmira e Mirditës që jeton me bletët

Sociale | 3 vite më parë

Është 60-vjeç dhe puna e tij e përditshme është kujdesi ndaj bletëve. Frrok Prenga nga Bukmira e Mirditës nisi të merret që në moshën 16-vjeçare me këtë profesion, por pas viteve 90 u angazhua edhe më shumë. Aktualisht ka 120 koshere dhe krahas pasionit, mbarështimi i tyre është kthyer në burim jetese për të. Teksa tregon mbi teknikat e rritjes së bletëve dhe shtegtimin e tyre, Frrok Prenga thotë se ky profesion ka mund dhe sakrifice.

Prodhimi është i kënaqshëm dhe tregu i sigurt, pasi produktet e bletarisë janë gjithnjë të kërkuara, pasi janë mjaft cilësore.

Krahas mbarështimit të bletëve së bletërritësi Prenga merret dhe me bujqësinë. Ai ka ngritur disa hektarë vreshta dhe pemë të tjera, për të cilët kujdeset me të njëjtën dëshirë dhe pasion si dhe për parkun me bletë të tij.

Gazetar: Marash Mirashi

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.