Stacion i ri zjarrfikëseje në Fier, do të shtohen 10 efektivë dhe një autozjarfikëse

Sociale | 3 vite më parë

Me një fond prej 62 milionë lekësh ka nisur në Fier puna për ndërtimin e një stacioni të ri zjarrfikëses.

Shef i Shërbimit Zjarrfikës në Fier, Zija Hyka tregon se “do të jetë një ambjent me dy kate, kati i parë do jenë të sistemuar automjetet e zjarrfikës ndërsa kati i 2-të do të jetë drejtoria me zyrat përkatëse”, u shpreh Hyka.

Aktualisht ky shërbim ofrohet nga 30 efektivë, me 4 automjete zjarrfikësesh dhe një autoshkallë. Ndërsa për një efikasitet më të lartë, do të zgjerohet edhe flota e mjeteve.

Ndër vite zjarret e ndodhura në Fier kanë shkaktuar dëme të konsiderueshme në pyje, kullota dhe ullishta.

Vitin e shkuar u regjistruan 80 zjarre në këtë bashki, ku dëme të konsiderueshme pësoi zona e Pish Porosë dhe Darzezës, ku sipërfaqja e dëmtuar nga zjarri shkon ne 800 ha pyll me pisha.

RTSH

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.