Shqip
English
Français
Deutsch
Ελληνικά
Italiano
Srpski
TürkçeTarifat e reja të patentave – Autoshkollat në Elbasan kundërshtojnë rritjen dhe taksimin e tyre
Teksa këtë të hënë kanë hyrë në fuqi tarifat e reja për t’u pajisur me leje drejtimi, shoqata e autoshkollave në Elbasan është hedhur në protestë. Ata bojkotuan punën duke mos u paraqitur në provimin e testimit.
Kreu i shoqatës Alim Lulaj tha se vendimi është marrë pa asnjë konsultë me ta, si palë interesi, dhe se Drejtoria e Përgjithshme e Transportit nuk është treguar transparente me qytetarët, pasi ka bërë publike vetëm një pjesë të rritjes. Nuk ka publikuar tarifat e provimeve dhe riprovimeve, që do të faturohen si kosto tek qytetarët.
Në Elbasan operojnë rreth 33 autoshkolla të cilët kanë të njëjtin shqetësim. Drejtuesit e tyre paralajmëruan sot se nëse nuk merren parasysh kërkesat e tyre ata do ta përshkallëzojnë protestën.
/RTSH/
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.
Të ngjashme
Të fundit
Më të lexuarat
