Komiteti Shqiptar i Helsinkit ka publikuar një dokument politikash, ku nënvizon tendencën në tkurrje të rolit të shoqërisë civile.

Sipas përfaqësueses së KSHH, Ardita Kolmarku kjo tendencë ndikohet nga disa faktorë.

“Tashmë shoqëria civile varet tërësisht nga pjesa e strategjisë së donatorëve dhe kjo na bën ndonjëherë të pamundur që të jemi pjesë e një sërë reagimeve, apo iniciativave që në fakt në mënyrë të përbashkët duhen marrë për kauza të ndryshme sociale. Dhe ai efekti i ikjes së një pjesë e atyre të njohur si intelektualë dhe të rinjtë e vendit , kanë ndikuar edhe kapacitete njerëzore”, u shpreh Kolmarku.

Nga ana tjetër Agjencia e Mbështetjes së Shoqërisë civile, entit publik buxhetor që synon të nxisë rolin e shoqërisë civile përmes mbështetjes financiare ka një tjetër qëndrim.

“Shoqëria civile ka qenë shumë aktive që nga ngritja  e Këshillit. Ndryshimet qeveritare, ndonjëherë na pengojnë për  të shtyrë disa çështje kryesore, por vullneti politik nga ana e qeverisë, të paktën me përfaqësues të Këshillit ka qenë goxha i lartë”

Roli i shoqërisë civile është vendimtar për funksionimin e një shoqërie demokratike. Ndërsa për vendet e rajonit të Ballkanit ka një rëndësi të veçantë edhe në procesin e integrimit europian.

Gazetare: Albana Agolli

/rtsh.al/