Zbulohen 11 raste me fruth në Shqipëri, fëmijët nuk ishin të vaksinuar

Sociale | 3 vite më parë

ISHP ka konfirmuar praninë e 11 rasteve të para me fruth në Shqipëri. Të infektuarit janë fëmijë të moshës 1-9 vjeç.

6 prej tyre kane lidhje familjare dhe janë të pavaksinuar.

Rastet janë konfirmuar në qytetin e Tiranës dhe të Durrësit dhe pas ofrimit të ndihmës së parë në spital, fëmijët janë larguar në shtëpitë e tyre ku dhe po marrin mjekimin e rekomanduar.

Instituti i Shëndetit Publik, njofton se vaksinimi ndaj fruthit sidomos me dozën e parë, ka pësuar një rënie të ndjeshme që pas pandemisë së koronavirusit.

Sipas Organizates Botërore të Shëndetësise, rastet e fruthit në Evropë u rriten 30-fish vitin e kaluar. OBSH paralajmeron se rastet jane ende ne rritje dhe nevojiten masa urgjente për të parandaluar përhapjen e mëtejshme.

Gazetare: Keti Toroveci

/ rtsh.al /

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.