Rritet çmimi i druve në Korçë, banorët zgjedhin alternativa të tjera ngrohjeje

Sociale | 3 vite më parë

Rritja e çmimit të druve të zjarrit gjatë viteve të fundit e ka bërë të papërballueshme koston për banorët e Korçës.

Një pjesë e tyre kanë filluar të zgjedhin mundësi të tjera alternative për ngrohje, duke përdorur gazin apo energjinë elektrike. Këtë e pohojnë edhe administratorët e pikave ku tregtohet lënda drusore të cilët tregojnë këtë vit është ulur ndjeshëm interesi i qytetarëve për të blerë dru për ngrohje.

Ndërkohë që një pjesë e mirë e banorëve, kryesisht pensionistët thonë se “ngrohja me dru është alternativa më e mirë për ta, por e kanë të pamundur të përballojnë këto çmime”.

Aktualisht në pikat që tregtojnë lëndën drusore në qytetin e Korçës, një kubik dru ahu shitet me 2 mijë e 200 lekë, ndërsa një metër sterë kushton 6 mijë lekë.

Gazetar: M. Merhori

/RTSH/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.