Banorët e Prodanit dhe Gjonçit në Bashkinë e Kolonjës, vijojnë të kënë problem themelor urën që i lidh mes tyre këto dy fshatra. 

Prej vitesh para tyre ka mbetur vetëm skeleti i një ure të varur, e cila është jashtë funksionit për shkak të amortizimit të saj.

E vetmja rrugë kalimi për banorët e zonës është që ata të ecin në vaun përmes përroit. Kjo e bën të vështirë lëvizjen e banorëve të kësaj zone, veçanërisht kur përroi ka shumë prurje për shkak të rreshjeve të shiut. 

Banorët shpresojnë gjithashtu që ky problem t’u zgjidhet sa më parë. Shumica e atyre që jetojnë në këtë zonë janë në moshë të thyer, çka e bën edhe më të vështirë kalimin. 

Prej vitesh Bashkia e Kolonjës ka hartuar projektin e urës së re, por fondi nuk është çelur ende. 

Ndërsa shpresojnë se problemi i tyre do të zgjidhet sa më parë, banorët e fshatrave Gjonç dhe Prodan vazhdojnë të kalojnë mes përroit.

Gazetar Norel Zaimi

/ rtsh /