Forcimi i drejtuesve të së ardhmes në Ballkanin Perëndimor

Sociale | 3 vite më parë

Në kuadër të projektit “WeLead”, një skemë e BE për profesionistët e rinj në Ballkanin Perëndimor, një grup të rinjsh shqiptarë punonjës civile do të trajnohen në Qendrën e Ekselencës për Financat (CEF) në Ljubljana, Slloveni.

Lajmin e jep në rrjetet sociale Milva Ekonomi Ministër i Shtetit për Standardet e Shërbimeve. Sipas saj “Kjo skemë synon përmirësimin e njohurive dhe përvojës në procesin e anëtarësimit në BE të gjeneratës së ardhshme të administratorëve publikë dhe politikëbërësve në Ballkanin Perëndimor, si dhe funksionimin e një rrjeti më të fortë profesional midis zyrtarëve të rinj publikë dhe administratave respektive”.

Projekti “WeLead” u dedikohet punonjësve të rinj të sektorit publik të cilët janë të angazhuar në fushat kyce të anëtarësimit në BE dhe reformën e administratës publike.

/ rtsh.al /

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.