Lodrat e preferuar të fëmijëve, interneti ndikon zgjedhjet e tyre. Më të shiturat ato me personazhe

Sociale | 3 vite më parë

Përdorimi i internetit ka diktuar edhe shijet e fëmijëve në zgjedhjen e lodrave. Për shumicën e fëmijëve, lodrat më të preferuara janë ato elektronike, si playstation.

Por edhe kur blejnë lodra tradicionale, ata orientohen më së shumti nga personazhet që shohin në internet.

Tregtarët e lodrave pohojnë se trendi i zgjedhjes së lodrave me personazhe u bë më i theksuar gjatë pandemisë.

Lodrat janë jo vetëm një mjet argëtimi, por edhe një element i rëndësishëm në zhvillimin e fëmijës, ndaj ekspertët nënvizojnë rëndësinë e zgjedhjes së tyre me kujdes, sipas nevojave të fëmijës.

Sipas të dhënave të INSTAT, në vendin tonë viti 2021 shënoi rekord të importit të lodrave, me vlerë prej 3.7 miliard lekësh, ndërsa në vitin 2022 kjo shifër zbriti në 3.4 mld lekë.

Gazetare: Albana Agolli

/rtsh/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.