Largohet nga shtëpia minorenia, prindërit nga Patosi apel për gjetjen e saj

Sociale | 3 vite më parë

E larguar prej tre ditësh nga banesa, 14 -vjeçarja me iniciale J. M, nuk ka dhënë asnjë shenjë komunikimi me familjen e saj.

E mitura, nxënëse e klasës së tetë në shkollën 9- vjeçare “Koli Dimo” në Frashër është larguar me një valixhe nga shtëpia.

Sipas prindërve, vajza është parë në terminalin e Fierit ku është larguar drejt Tiranës.

Prindërit, Artjan dhe Luiza Metaj bëjnë thirrje njëzëri që vajza të kthehet sa më parë në shtëpi. Ata kanë bërë denoncim ne Komisariatin e Policisë Patos dhe kanë kërkuar ndihmën e uniformave blu për ta gjetur.

Sipas prindërve vajza ka mbyllur telefonin dhe që prej mesditës së djeshme nuk përgjigjet më.

Gazetar: Norel Zaimi

/rtsh/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.