Shkarkimi i ujërave të hidrovorit të Tales në det nuk do të ketë më pengesa. Inspektoriati Kombëtar i Mbrojtjes së Territorit, Drejtoria Rajonale Lezhë në bashkëpunim me Policinë e Shtetit, Administraten e Zonave të Mbrojtura dhe Bashkinë, kanë nisur punën për zhbllokimin e grykës së “Matkeqës”, e cila ishte bllokuar prej kohësh nga hedhja e inerteve nga persona të paidentifikuar.

Hedhja e inerteve në ketë pjesë të lagunës është një problematike e vazhdueshme gjatë viteve të fundit, e cila është bërë objekt hetimi dhe nga Prokuroria, me dyshimet se po veprohet për të mbushur zonën e mbrojtur me inerte dhe kthyer në tokë private.

Ndërkohë që institucionet ligjzbatuese të cilët nisin pjesë e këtij aksioni gjatë gjithë kësaj jave, bënë me dije se zona e mbrojtur do te jetë nën monitorim të vazhdueshëm dhe nuk do të ketë tolerime ndaj shkelësve të ligjit.

Gazetar: Norel Zaimi

/RTSH/