Breshëri dëmton të mbjellat në Peqin, banorët të pashpresë për prodhime bujqësore

Sociale | 3 vite më parë

Një stuhi breshëri ka goditur ditët e fundit fshatrat Shezë dhe Gjocaj në Peqin duke shkatërruar tërësisht të mbjellat e stinës. Rreth 20 hektarë pjeshkë është dëmtuar në mënyrë të pa rikthyeshme, ndërsa dëmtime kanë pësuar edhe kulturat e tjera.

Fermerët thonë se ndihen të pashpresë pasi të gjitha investimet e një viti u shkatërruan në pak minuta. Në kohën që ata do ta nxirrnin produktin në treg breshëri ua dëmtoi.

Të njëjtin fat ka pësuar dhe kultura e grurit. Pak ditë nga korrja, fermerët e humbën prodhimin.

Fermerët kanë kërkuar ndihmë te drejtoria e bujqësisë në bashki, ndërsa sipas tyre, siguracioni i prodhimit, nuk u vlen në krahasim me fitimet e vogla që marrin.

Fermerët e kësaj zone jetojnë vetëm me këto produkte si e vetmja mundësi mbijetese. Ata thonë se një breshër i tillë kishte rënë edhe para 20-të vitesh , por këtë vit dëmi ishte më i madh pasi produkti ishte gati për treg.

Gazetar: Norel Zaimi

/RTSH/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.