Covid 19, 152 qytetarë janë ende aktivë

Sociale | 4 vite më parë

152 qytetarë janë aktivë me Covid 19 në të gjithë vendin, njoftoi të dielën Ministria e Shëndetësisë dhe Mbrojtes Sociale.

Sipas saj gjatë 24 orëve të fundit pas 167 testimeve të kryera pesë persona kanë rezultuar pozitivë.

Ministria njofton se gjatë 24 orëve të fundit nuk ka humbje jete si pasojë e COVID-19 dhe ka 13 qytetarë të shëruar. Aktualisht në Spitalin Infektiv po marrin trajtim 8 pacientë.

Edhe më tej Ministria e Shëndetësisë dhe Mbrojtes Sociale u bën thirrje qytetarëve të mos neglizhojnë vaksinimin anticovid dhe vaksinimin kundër gripit, për të forcuar mbrojtjen ndaj viruseve gjatë sezonit të dimrit.

Ajo kujton qytetarët se vaksinimi anticovid dhe i gripit kryhet në qendrat shëndetësore në të gjithë vendin. Vaksinat reduktojnë mundësinë e infektimit dhe shmangin në shkallë të lartë hospitalizimet dhe fatalitetet, kujton popullatën Ministria e Shëndetësisë dhe Mbrojtes Sociale.

/ rtsh.al /

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.