Rama: Së shpejti nisin punimet për transformimin e Spitalit të Kardiokirurgjisë në QSUT

Sociale | 4 vite më parë

Së shpejti do të nisin punimet për transformimin e Spitalit të Kardiokirurgjisë në QSUT. Lajmin e bën të ditur kryeministri, Edi Rama ku përmes një video në Facebook zbulon detaje nga projekti ndërsa shkruan se ky investim do t’i shtohet zinxhirit të shërbimeve të rilindura shëndetësore.

Rama bën me dije se sipërfaqja e ndërtimit do të jetë 4203 metra katror, me 4 salla operacioni si edhe do ketë terapi intensive. Kryeministri thekson se pajisjet e reja do të jenë me standarte bashkëkohore.

“Dhe me projektin që do të nisë shumë shpejt për Spitalin e Kardiokirurgjisë, i cili do t’i shtohet zinxhirit të shërbimeve të rilindura shëndetësore të QSUT, ju uroj një ditë të mbarë”, shkruan Rama.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.