Nga ky vit akademik, godinat e konvikteve nuk funksionojnë më si ai i djemve dhe i vajzave, por sipas kushteve që ata ofrojnë, duke u konceptuar si  konvikti numer 1 dhe 2.

Konvikti numer 1, i cili është pranë Universitetit “Eqrem Çabej”, ofron kushte normale dhe ka një pagesë prej 32 mijë lekësh për të gjithë vitin akademik.

Me optimale janë kushtet te konvikti nr dy, i cili para disa vitesh i është nënshtruar rikonstruksionit total. E për këtë arsye edhe pagesa shkon në 47 mijë lekë.

Drejtori i shoqerisë së trajtimit të studentëve Gjirokastër, Bledar Kaçi, thotë se këtë vit është menduar edhe për  mënyrën sesi të rinjtë ta kalojnë kohën e qëndrimit në konvikt pas procesit mësimor. Sipas tij, do të jenë të shumta aktivitetet kulturore e sportive që do të organizohen.

Për këtë vit akademik, studentet e Universitetit “Eqrem Çabej”, kanë përzgjedhur të akomodohen në konvikte sipas dëshirës së tyre, bazuar në kushtet që ata ofrojnë.

Drejtori i shoqërisë së trajtimit të studentëve Bledar Kaçi, thotë se të rinjtë do të përfshihen edhe në aktivitete të ndryshme me qëllim argëtimin e tyre gjatë kohës së lirë.

/rtsh.al/