6 gra janë vrarë në Shqipëri nga partnerët e tyre gjatë  5 muajve të fundit. Rasti i fundit ishte ai i  54 vjeçares nga Elbasani Liljana Buzo, e cila u vra nga bashkëshorti i saj në prezencë të djalit, pasi kishte nisur procedurat e divorcit. 
Për t’i thënë jo dhunës, nën moton “THUAJA EMRIN” shoqata që në fokus të tyre kanë mbrojtjen e gruas marshuan sot nga qendra e qytetit të Elbasanit drejt gjykatës ku u vra 54 vjecarja. Ndonëse gratë protestuese ftuan meshkujt t’u bashkohen përgjigja nuk ishte pozitive, ata nuk u ngritën as nga kafja dhe as nuk fikën makinat në shenjë solidariteti.
Ndalesa e parë ishte ne vendin ku 54 vjecarja humbi jetën, ku dhe u  vendosën karafila dhe u ndezën qirinj. Gratë protestuese  kërkuan një reagim të shoqërisë shqipare për këto 6 jetë të humbura .
Ndërsa fenomeni i vrasjes së grave, duket se është ngulitur në shoqërinë shqiptare, kërkohet një edukim më i mirë qysh në gjenezë. 
Të vetmit meshkuj që iu bashkuan marshimit ishte Komisoneri Kundër Diskriminimit Robert Gajda dhe një activist. Ky i fundit përcolli mesazhin e tij për të gjithë meshkujt e tjerë.
Iniciatorët premtuan se nuk do ta ndalin këtu kauzën e tyre, pasi reagimi i sotëm do të pasohet nga të tjerë në ditët në vijim.