Lajm i mirë nga Infektivi, shërohen 33 pacientë me koronavirus, ulet numri i të shtruarve në spital, ja gjendja e tyre

Sociale | 6 vite më parë

Pavarësisht shifrave të larta të të infektuarve me koronavirus, një lajm i mirë vjen nga Spitali Infektiv.

Ministria e Shëndetësisë raporton se gjatë 24 orëve të fundit kanë fituar betejën me virusin e rëndë 33 qytetarë. Aktualisht në spital ndodhen të shtruar 48 pacientë, 7 prej të cilëve ndodhen në terapi intensive.

“Lajmi i mirë është se gjatë 24 orëve të fundit numri i të shëruarve është më i lartë se ai i të prekurve nga Covid19. Janë shëruar 33 qytetarë. Aktualisht në spitalin infektiv po marrin shërbim 48 pacientë, prej tyre 7 janë në terapi intensive. Në vendin tonë janë aktualisht 346 persona aktivë me COVID19, kryesisht në Tiranë, Shkodër, Krujë ku ka transmetime komunitare”, thekson MSH.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.