Largohet nga City, Kalvin Phillips prezantohet te West Ham

Angli | 3 vite më parë

Kalvin Phillips bëhet me skuadër të re. Mëngjesin e sotëm, West Ham njoftoi se ka arritur të marrë shërbimet e mesfushorit 28-vjeçar, i cili do të luajë me londinezët deri në fund të sezonit aktual.

Lojtari largohet nga Manchester City drejt West Ham me formulën e huazimit të thjeshtë, pra pa asnjë detyrim blerjeje përfundimtare. Phillips, që nuk po gjente hapësira te skuadra e Guardiolës, kërkohej edhe nga disa klube të tjera, por zgjodhi që të qëndrojë në Premier Ligë.

“West Ham United është i kënaqur të konfirmojë afrimin e mesfushorit anglez Kalvin Phillips në huazim deri në fund të sezonit 2023/24. 28-vjeçari vjen nga Manchester City dhe mund të bëjë debutimin e tij në ndeshjen e së enjtes në Premier League me AFC Bournemouth”, shkruhet në njoftimin e klubit.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.