Ndodhi dje në Premier League, pikërisht në Manchester City-Liverpool. Qytetarët në humbje me një gol ndaj Reds, arrijnë të barazojnë me anë të Julian Alvarez. Ngazëllim i madh nga stadiumi, përfshirë Pep Guardiolën, trajnerin e Cityt, i cili pa frena, thuajse i pushtuar, guxojmë të themi, përpiqet të përfshijë në festimet e tij zëvendësuesit e Liverpool-it që ishin në fushë në atë moment. Para tij kalon fillimisht Matip, pastaj Tsimikas, të cilit Guardiola i është drejtuar me fjalë. Por nuk përfundon këtu, Pep tenton edhe me ish-lojtarin e Juventusit, Arthur Melo.

Ndryshe nga shokët e tij të skuadrës, megjithatë, braziliani nuk mund t’i thotë jo dorës së zgjatur të trajnerit të City-t dhe ia kthen shtrëngimin, madje duke marrë një goditje në pjesën e pasme të kokës në këmbim. Një skenë që sigurisht nuk ka kaluar pa u vënë re, duke u përjetësuar dhe filmuar nga mijëra tifozë të pranishëm në tribuna dhe mbi të gjitha një sjellje që nuk ka shkuar aspak mirë tek tifozët e Liverpool. Kritikat për të në rrjetet sociale mbërritën në kohë, madje disa tifozë të Reds thanë: “Arthuri pati mundësinë të bëhej një legjendë e Liverpool-it në atë kohë pa shkelmuar një top, duke i dhënë Guardiolës atë që meritonte. Sa njeri i tmerrshëm pa klas është”. Me pak fjalë, edhe pa luajtur, ish-juventini la gjurmë: është me vend të thuhet.