Gjashtë vjet pasi fitoi Ligën e Evropës me José Mourinhon, Manchester United i është rikthyer ngritjes së një trofeu. Pritja e gjatë, e tepërt për standardet e Djajve të Kuq, ndërpritet me Kupën e Ligës të fituar në finale ndaj Newcastle. Ndeshja e Wembley u vendos në pak minuta, nga 34′ deri në 39′: goditje me kokë nga Casemiro dhe autogol nga Botman pas gjuajtjes së Rashford. Newcastle nuk i mjaftoi entuziazmi dhe një ndeshje e guximshme: Magpies nuk kanë fituar titull kombëtar prej 68 vitesh dhe do të duhet të presin akoma.

Ajo që bëri diferencën ishin episodet në finalen e pjesës së parë: në pjesën e dytë, formacioni i Hoëe bëri ndeshjen, United u mbrojt me kujdes dhe goditi në kundërsulm. Shënim për Karius: ai luan titullar pas një viti e gjysmë dhe bëri tri pritje të shkëlqyera. Ngushëllim i vogël për gjermanin, por kupa shkon në Manchester.