Chelsea, gëzimi i Jorginhos: E prisja Koulibaly!

Angli | 4 vite më parë

Pasi kanë ndarë fushën me fanellën e Napolit, tashmë Jorginho dhe Kalidou Koulibaly do të mund ta bëjnë këtë në Premier League me atë të Chelseat. Mesfushori i Bluve foli për Sky Sport për ribashkimin me mbrojtësin e Senegalit, duke zbuluar edhe një sfond: “Mendoj se kjo ishte një blerje shumë e rëndësishme për klubin. Ai nuk është thjesht një lojtar i fortë, të gjithë e dimë këtë: ai do të na ndihmojë. Jo vetëm në fushë por edhe në dhomat e zhveshjes. Ai do të na japë një dorë të madhe për personin që është, është një djalë i jashtëzakonshëm”.

“Gjatë negociatave, kur nuk dihej nëse do të vinte apo jo në Londër, i shkrova nja dy herë dhe më pas e thirra për ta bindur. I thashë se doja të luaja sërish me të dhe bëmë pak shaka. Shpresoja shumë që negociatat të realizoheshin: Jam shumë i lumtur që gjithçka shkoi mirë”.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.