Thashethemet për të ardhmen e tij kanë ndjekur njëri-tjetrin prej ditësh, vullneti për t’u larguar nga Manchester United nuk është më sekret, por ofertat janë të pakta, me Napolin dhe rikthimin në radhët e Sporting të Lisbonës duken të vetmet dy zgjidhje të mundshme. Një mori thashetheme që lodhën Cristiano Ronaldon, i cili me një postim në një faqe fansash në Instagram sulmoi gazetarët: “Është e pamundur të mos flasësh për mua një ditë, përndryshe shtypi nuk do të bënte para. Nëse nuk gënjejnë nuk munden të tërhiqnin vëmendjen e njerëzve. Vazhdoni kështu, ndoshta një ditë do të keni lajmin e duhur”.

CR7 dëshiron me çdo kusht të luajë në Champions League dhe për këtë arsye dëshiron t’i thotë lamtumirë United, i cili vazhdon të kërkojë që të respektohet kontrata që skadon në 2023.

Me hipotezën e Atletico Madridit të mbaruar, me tifozët e colchoneros që kanë shprehur publikisht të gjithë zhgënjimin e tyre për operacionin, vetëm dy mundësi të tjera mbeten për fenomenin portugez: Napoli ose një rikthim i bujshëm në radhët e Sporting Lisbonës ku filloi legjenda e tij.

Negociatat nuk janë të thjeshta, edhe për shkak të rrogës shumë të lartë që merr: për të shkuar në port, gërshërët e pagës duhet të jenë shumë më të konsiderueshme se 25%. Ndërkohë, fenomeni portugez nuk është thirrur për miqësoren e nesërme në Oslo ndaj Atletico Madridit.