Chelsea lëshon terren për herë të dytë në katër ditë, ndërsa sonte në mbrëmje është mundur në fushën e Wolves, “Molineux” me rezultatin 2-1. Pas një pjese të parë pa gola, formacioni i Lampard zhbllokoi sfidën me Oliver Giroud  menjëherë me fillimin e pjesës së dytë. Kishte një hezitim në fillim për dhënien e këtij goli, por me pas u vërtetua plotësisht se topi kishte kaluar vijën, duke I dhënë kështu skuadërs së Chelsea epërsinë.

Sidoqoftë, avantazhi nuk zgjati shumë, pasi Daniel Podence, lojtari më i mirë i Wolves gjatë kësaj sfide, barazoi duke marrë një ndihmë dhe nga Reece James, duke lënë Edouard Mendy me pak shanse për të reaguar.

Në fund është Pedro Neto që ka përmbysur situatën, duke shënuar golin me vlerën e tri pikëve për të besuarit e Nuno Espirito Santo. Një tjetër mundësi e humbur për Lampard dhe të besuarit e tij për të sulmuar vendin e parë.