Kevin Durant ka qenë gjithmonë një nga lojtarët më të mirë në botë. Bruklin Nets kishte nevojë për më shumë se vetëm pikë nga Durant dhe ai u përgjigj, luajti ndoshta ndeshjen më spektakolare në playoff. Durant shënoi 49 pikë, 17 topa në tabelë dhe 10 assist duke i dhënë fitoren përballë Miluoki 114-108 në ndeshjen e 5 dhe duke udhëhequr serinë 3-2. “Unë e di se pritshmëritë për mua janë që të shënoj, por në çdo skuadër ku kam luajtur më kanë kërkuar që të mbroj të marr topa në tabelë, – u shpreh Durant. Unë mund të mos i bëj dot të gjitha njëherësh, por pak nga të gjitha mund t’ia dal”.

 Durant është i pari lojtar që arrin të tilla shifra ne historinë e play-off-it. Kyrie Irving nuk u aktivizua per shkak të dëmtimit në kavilje, ndërsa Harden u rikthye në lojë për herë të parë që nga ndeshja e parë ndaj Miluokit por nuk ndihmoi shumë në sulm edhe pse u aktivizua për 46 minuta.

Harden ishte 1-10 në gjuajtet nga loja dhe i humbi të 8 tentativat për 3 pikë por dha 8 assist dhe mori 6 topa në tabelë. Durant ndërkohë u aktivizua për 48 minuta, shenoi 16 nga 23 gjuajtet që mori përsipër dhe gjuatja më e rëndësishme ishte ajo në 50 sekondat e fundit ku dhe mbrojti avantazhin deri në fund. Në krahun tjetër Antetokounmpo shenoi 34 pike dhe 12 topa në tabelë, ndërsa Kris Midleton me 25 pikë.