“Nuk e prisja të isha para dy Red Bull. Ata ishin shumë të shpejtë në povat e lira dhe ne nuk dinim si t’i mposhtnim. Por makina, që nga fillimi i kualifikueseve, më dha ndjesi të mëdha dhe për këtë kam shumë respekt për punën e bërë nga ekipi im”. Kështu Lewis Hamilton ndan emocionet e tij pas pole position numër 99 në karrierën e tij në Imola. Piloti britanik i Mercedes do të niset në epërsi nesër, duke kërkuar nënshkrimin e tij të dytë sezonal në Emilia Romagna Grand Prix pas fitores së tij në Bahrein.

“Çfarë do të ndodhë nesër në garë? Unë e dua sfidën dhe është shumë mirë që më në fund të kemi dy Red Bull konkurrues – vazhdon britaniku pas kualifikimit – Do të jetë një sfidë e komplikuar, ata kanë një ritëm të shkëlqyer gare por dhe e jona nuk është keq”.

Valtteri Bottas nuk mund të buzëqeshë aq shumë. Ai zhgënjen pritjet dhe, pasi ishte më i miri të premten, mbyll kualifikueset në vendin e tetë, pas Alpha Tauri të Pierre Gasly dhe McLaren të Daniel Ricciardo. Mercedes po vë bast gjithçka te Lewis, duke shpresuar në një rikthim nga finlandezi.