Volejboll Meshkuj/Kupa është e Partizanit

Sporte të tjera | 6 vite më parë

Pas triumfit të skuadrës së femrave, Partizani triumfon në volejboll dhe me skuadrën e meshkujve, duke mundur Erzenin e Shijakut në finale e Kupës së Shqipërisë me rezultatin 3-2 në një sfidë emocionuese.

Të kuqtë fituan setin e parë me rezultatin 25-23, por shijakasit arritën të përmbysin gjithçka duke fituar dy sete: 25-18 dhe 25-23. Partizani u përgjigj në setin e katërt, duke vendosur barazpeshën 2-2 me një fitore 25-19.

Në setin e pestë, atë final, shijakasit e nisën mirë, por të kuqtë arritën të marrin frenat e lojës në dorë dhe të fitojnë 15-10, që do të thotë i gjithë takimi 3-2, duke u shpallur kështu fitues të Kupës së Shqipërisë.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.