Bylisi mbyll bashkëpunimin me 3 lojtarë

Futboll Vendi | 2 vite më parë

Bylisi arriti objektivin sezonal, duke siguruar rikthimin në Superiore, pas vetëm një sezoni në Kategorinë e Parë. Por pa u mbyllur akoma sezoni i rregullt, klubi mallakastriot njofton se ka ndërprerë bashkëpunimin me tre lojtarë.

Bruno Puja, Gëzim Krasniqi dhe Xhonatan Lajthia nuk do të jenë pjesë e klubit ballshiot sezonin e ardhshëm.

“FK BYLIS bën me dije se ka përfunduar bashkëpunimin me lojtarët: portierin Bruno Puja, mbrojtësin Gëzim Krasniqi, si dhe mesfushorin me tipare sulmuese Xhonatan Lajthia.

Klubi ynë i falënderon për bashkëpunimin dhe kontributin, gjithashtu iu uron suksese lojtarëve në vijimin e karrierës së tyre”, shkruhet në njoftimin e Bylisit.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.