Teuta dhe Tirana, aty ku mungon goli

Futboll Vendi | 3 vite më parë

Nuk ka gola në “Niko Dovana”, Teuta dhe Tirana e kanë mbyllur në barazim 0-0 sfidën mes tyre, ndeshja e parë çerekfinale e Kupës së Shqipërisë. Gjithçka mbetet e hapur për ndeshjen e kthimit, për të përcaktuar se kush do të vazhdojë më tej aventurën.

Një ndeshje e kujdesshme nga të dyja skuadrat në këtë çerekfinale të parë, por që dhe rastet për shënim nuk munguan. Durrsakët arritën të gjejnë rrugën e rrjetës në fundin e pjesës së parë me anë të Llocit, por që u anullua për një pozocion jashtë loje.

Edhe bardheblutë nga ana e tyre, që në këtë ndeshje ishin nën urdhërat e trajnerit të ri, Erbim Fagu, krijuan raste për shënim, por portieri i durrsakëve, Vata u tregua në lartësinë e duhur.

90 minuta për një 0-0, për të lënë gjithçka të hapur për ndeshjen e kthimit në Tiranë.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.