Markez largohet nga Honda, i bashkohet Ducati-t

Moto GP | 3 vite më parë

Markez dhe Honda vendosin të marrin rrugë të ndryshme pas plot 11 vitesh bashkëpunim. Piloti spanjoll së bashku me shtëpinë japoneze kanë zyrtarizuar “divorcin” në vitin e fundit të kontratës.

Gjatë këtij bashkëpunimi Markez dhe Honda fituan plot 6 herë titullin kampion bote ndërsa arritën 59 fitore, 101 pode dhe 64 xhiro të shpejta.

Në fillimin e vitit 2020 Markez pësoi një aksident ku dëmtoi krahun. Pas këtij episodi piloti humbi shumë terren pasi iu nënshtrua edhe tri operacioneve të tjera deri në 2022. Kalvari i gjatë i dëmtimeve ka bërë që Markez të humbë shumë gara.

Sipas ekspertëve të merkatos Markez brenda pak ditësh do të bëjë me dije transferimin tek skuadra satelite e “Ducati”-t, “ Team Gresini”. Në këtë ekip Mark Markez gjen të vëllanë, Aleksin.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.