Celta Vigo shkarkon trajnerin Rafael Benitez

Spanjë | 3 vite më parë

Rafael Benitez nuk është më trajner i Celta Vigos. Klubi njoftoi ditën e sotme shkarkimin e ish-trajnerit të Napolit dhe Interit. Humbja 4-0 ndaj Real Madridit në Bernabeu ishte fatale për teknikun e njohur.

“Rafa Benítez dhe stafi i tij teknik largohen nga RC Celta pas tetë muajsh angazhim absolut dhe përkushtim të plotë, por në të cilin skuadra nuk arriti rezultatet e pritura nga klubi.

Klubi dëshiron të shprehë mirënjohjen e tij të sinqertë për Rafa Benítez dhe për ndihmësit e tij, për angazhimin, ndershmërinë dhe profesionalizmin që kanë treguar që nga ardhja e tyre dhe për punën e palodhshme që kanë bërë. Gjithashtu RC Celta dëshiron t’u urojë fat dhe suksese në të ardhmen”, shkruhet në njoftimin e klubit spanjoll.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.