Real Madrid shëtit në shtëpi kundër Celta Vigos dhe mban diferencën nga Girona e vendit të dytë në shtatë pikë. Gjithçka ishte e lehtë për skuadrën e Carletto Ancelottit, që arriti një fitore 4-0. Goli i hapjes erdhi në minutën e 21-të falë të zakonshmit Vinicius Jr. Dominimi total i Los Blancos edhe në pjesën e dytë, por golat arritën vetëm në dhjetë minutat e fundit  të ndeshjes falë autogolave të Guaita dhe Dominguez. Fitorja madrilene mbyllet me “pokerin” e firmosur nga turku Arda Guler.

Fitojnë Bilbao e Alaves – Athletic Bilbao fitoi 2-0 si udhëtues ndaj Las Palmas, në javën e 28-të të La Ligës. Guruzeta shënoi për baskët në minutën e 31-të dhe autogoli i Coco-s në minutën e 66-të. Athletic është ende i pesti në renditje me 53 pikë, -2 pas Atletico Madrid në luftën për një vend në Champions League. Alaves mundi 1-0 Rayo Vallecanon: goli vendimtar u shënua nga Gorosabel në minutën e 44-ët. Në renditje, Alaves ngrihet në 32 pikë, +10 mbi zonën e rënies ku Rayo rrezikon të ngecë.