Mbappe ka zgjedhur Realin, e konfirmon presidenti Florentino

Spanjë | 3 vite më parë

Kylian Mbappe do të veshë fanellën e Real Madrid sezonin e ardhshëm. Sipas asaj që shkruan “FootMercato” në Francë, njoftimin e ka bërë vetë Florentino Perez, i cili në orët e fundit ka takuar lojtarët e tij, duke i njoftuar për ardhjen e afërt të fenomenit francez, i cili në verë do të transferohet në Spanjë.

Një lajm që numri një i klubit “merengues” donte t’i jepte vetë i pari skuadrës, e cila po përgatitet të mirëpresë një tjetër yll të ndritur, në një ekip që vazhdon të shtojë fenomene dhe që synon të rishkruajë shumë rekorde në historinë e futbollit spanjoll dhe atë të Realit të Madridit.

Kujtojmë që pak ditë më parë Kylian Mbappe njoftoi drejtuesit e PSG se nuk do të rinovonte kontratën dhe se në fund të sezonit do të largohej nga Parisi.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.