Barcelona nuk po kalon një sezon të lehtë. Katalanasit janë aktualisht në vendin e tretë, 7 pikë prapa liderit Real Madrid dhe pas Girona surprizuese. Mbrëmjen e sotme spanjollët dolën në fushë ndaj Celta Vigos duke marrë tri pikë të rëndësishme, duke vulosur epërsinë në minutën e 97-të me Lewandowskin me një penallti, për të firmosur për 2-1.

Ndeshja nisi me presionin e fortë të katalanasve, që u shpërblye pak çaste para përfundimit të pjesës së pare, në minutën e 45-të, me Lewandowskin që nuk mendohet dy herë dhe dërgon diagonalen e fuqishme në portë për të bërë rezultatin 1-0. Të besuarit e Rafa Bentiez nuk e lanë veten të dekurajohen nga goli i pësuar në fund të pjesës së parë dhe me daljen nga dhoma e zhveshjes arritën të rikthejnë menjëherë ndeshjen në ekuilibër. Në minutën e 47-të Iago Aspas iu kundërpërgjigj golit të bukur të Leëandoëskit.

Pas golit të pësuar, skuadra e Xavi-t luftoi për të gjetur të njëjtin rrjedhshmëri si në pjesën e parë, me vendësit që mbylleshin më shumë në gjysmën e tyre të fushës. Kur gjithçka sugjeronte një barazim, vjen episodi që vendosi ndeshjen. Në kohën e plotë të rikuperimit thirret një penallti në favor të katalanasve, me Lewandowski që në minutën e 97-të nuk gabon. Barcelona fiton 2-1 dhe rikthehet menjëherë në +3 ndaj Atletico Madridit, duke iu afruar Gironas në vendin e dytë. Celta Vigo, e mbërthyer në 20 pikë.