Do bëhet më i paguari në skuadër, Lewandowski nuk lëviz nga Barcelona

Spanjë | 3 vite më parë

Robert Lewandowski dhe Barcelona do të vazhdojnë bashkëpunimin mes tyre. Sipas “Sport” sulmuesi polak dëshiron të vazhdojë karrierën në Katalonjë dhe klubi spanjoll mendon të njëjtën gjë.

Sezonin e ardhshëm, bazuar në marrëveshjet e përcaktuara më parë, polaku do të ketë një rritje të pagës së tij dhe do të bëhet lojtari më i paguar në skuadër. Por kujdes: në rast të ofertave të tjera, Barcelona nuk do ta kundërshtonte një largim të mundshëm të 35-vjeçarit, sigurisht nëse klubet e interesuara do të paguanin shumën e kërkuar.

Kujtojmë që Robert Lewandowski u bashkua me Barcelonën në vitin 2022, duke u larguar nga Bayerni i Mynihut, dhe në 77 ndeshje të luajtura me skuadrën “blaugrana” në të gjitha kompeticionet ka arritur të shënojë 47 gola.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.