Vitor Roque rikthen fitoren te Barcelona

Spanjë | 3 vite më parë

Barcelona i rikthehet fitoreve në La Liga duke mposhtur Osasunën me rezultatin 1-0 në ndeshjen e prapambetur, atë të javës së 20-të. Vendosi goli i brazilianit, Vitor Roque, i pari me fanellën katalanase, në kontaktin e parë me topin, në minutën e 63-të me një goditje me kokë të asistuar nga Cancelo dhe pesë minuta më vonë sbëri të mundur edhe përjashtimin e Unai Garcia. Duhet të vlerësohet gjendja e Ferran Torres, i cili doli nga fusha e lojës në minutën e 7-të për shkak të dëmtimit.

Yamal shpërdoroi një mundësi të mrekullueshme për të dyfishuar epërsinë, por në minutën e 76-të ishte skuadra e Arrasate që në mënyrë sensacionale u afrua me barazimin me shtyllën e goditur nga Raúl Garcia. Me këtë fitore Blaugranët ngjiten në 47 pikë në renditje, ndërsa skuadra e Pamplona mbetet në 26.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.