Barcelona i rikthehet fitores dhe i afrohet triumfit në La Liga falë fitores dërrmuese 4-0 ndaj Betisit në Camp Nou. Katalanasit e morën peng lojën që në pjesën e parë: ndeshja u zhbllokua në minutën e 14-të falë goditjes me kokë të Christensen nga një krosim i Raphinha-s, më pas mes 33′ dhe 39′ sfida përfundoi. Së pari vjen e verdha e dyfishtë për Gonzalez, i cili i lë andaluzianët në dhjetë, më pas Leëandoëski dyfishon pas një asistimi nga Koundé.

Në fund, Busquets i shërben Raphinhas që fikson rezultatin 3-0. Goli i anuluar fillimisht për pozicion jashtë loje, vërtetohet pas kontrollit të VAR. Pjesa e dytë, akademi e pastër për Barcelonën, e cila gjen pokerin në minutën e 82-të me autogolin e Rodriguez. Përfundon me triumf për skuadrën e Xavit, të cilët janë 8 pikë larg pushtimit matematik të La Ligës.

Humbje e cila nga ana tjetër e lëndon shumë Betisin, që nuk fiton prej tre xhirosh dhe tashmë është jashtë zonës së Champions League dhe Europa League. Vendi i katërt (Real Sociedad në +9) duket si një mirazh, por i pesti është ende i arritshëm. Vllarreali, megjithatë, mund të shkojë +4 ndaj formacionit të Pellegrinit.